يمكن

يْمْكن
السَّاقية تْدُوزْعْ الفدَّانْ وتخونو
ما تْسقيه
ما تْحادِيهْ
ما تْباتْ في شُونُو
يْمكن الليل يْعاشْرْ الفْجَرْ
يْمكن
الثلج يْصاحْبْ الجْمر
يْمكن
بْعيدْ.. بْعيدْ نْسيحْ
فْ كْفُوفْ لْخْلاَ
وْظْفايْرْ لْخْلاق
وْظْفايْرْ الشيح
وْرا حَرْفك.. طَالعْ هَوَّادْ
قْدْمْ فْ الجْبل
وْرْجْلْ فْ الواد
يْمكن
نْشيخْ… وْنْكْبر
نْعْيَا.. وْيْعْواجْ الظّْهَرْ
لَكنْ حَرْفْكْ
مَا يْمكنْ
مَا يْمكنْ
يْموتْ أو يْتْدْفَنْ..


الكاتب : مراد القادري

  

بتاريخ : 13/12/2019