وَقْفَة

أنا حَاْد في السُّور
واقفْ من بَكْري
قديم وُمْعَنِّي بالوُصَافْ.
عفَّة

أنا ظهَرْ مَضْبُور
شَاحفْ مبَردعْ مكْري
عديم، وُمْغَنِّي بالعفَافْ.
علامَة

هذا هُو ﯕـلبِي.. !
فين ضَاعتْ علامْتِي،
وصبّتْ غمَامتِي نارْ ورمَادْ.
لَمَّة

نخَافْ نتْلَمْ ليكْ،
وملّي تنَفضي تسْريحكْ
تلوحِيني.
شَمسْ

راكْ غزَلتي شعُوري
تسْريحْ من الدّومْ
وحسَبْتي كلماَتي ديّاتْ من حَرْ الشّومْ.

سكحَة

عطيتُو يشربْ
سكَح مَايَ
وغرقْ في ضَايتُو.

مَسْحَة

توحَّشتْ ﯕـلوسكْحدَايا
تمَسْحي على عينْ ﯕـفَايَا،
وتخَلصي خطَيْتِي.
حجَابْ

الدّنْيا طريقْ فَايْتاني
وصَالك مَا نلحْـﯖـو..
وزينكْ حجَابُو نعرّيهْ.
لبْسَة

يَا السّاريَة في ليلْ النّغَامْ
لابْسَة عيُوني،
زيناتكْ بالشّوفْ.
شهُوبْ

عَلّيني في سلافكْ نتربّى
نتخَاوا مع الضّفيراتْ
نعشّشْ في الشّهوبْ.